UMIKOT ang tingin ni Cathy sa mga tao sa airport, nagbabakasakali na makita si Dale pero oras na para mag-check in sila, walang Dale na dumating. Nanlulumong inakay niya ang kambal. Ilang beses pang lumingon si Cathy bago tumuloy sa pila ng Immigration. Isang patak ng luha ang mabilis na pinahid ni Cathy.
‘Tama na ang kabaliwan mo!’ inis na sigaw ng utak niya. Saka inayos ang sarili at humakbang na parang walang nangyari.
Pagdating nila sa UK, unexpected na kailangan nilang mag-stay nang matagal doon dahil sa kalagayan ng lolo niya. Ilang linggo at buwan na ang lumipas pero ni isang tawag ay wala siyang natanggap mula kay Dale. Siguro this time, kailangan na niyang tanggapin na hanggang pangarap lang niya ang isang Montemayor. Tama na ang halos sampung taon na umasa siya. Masakit man tan
