GINISING si Dale ng maliliit na boses na naghahagikgikan. Kaya naman pala, nakasakay sa tiyan niya ang dalawa niyang anghel. Panay ang tawa ng dalawang bata habang tila nangangabayo sa ibabaw niya.
“Dada, are you awake?” tanong ni Jordan.
“Hmm. Maybe.” Sabay dilat ng isang mata ni Dale. Lumakas ang tawa ng mga ito. “Ganito na lang. Dito kayo magtatalon sa likod ko.” Dumapa si Dale at hinayaang apak-apakan siya ng dalawa. At habang patuloy na tinatapakan ang kanyang likod. Ang puso niya ay napupuno ng kagalakan. Subalit naalarma siya ng maramdaman lumihis ang isang paa ng anak.
At muntik nang mahulog si Jayden, nang mawalan ito ng balanse, mabuti na lang at nahagip niya agad ito sa suot na T-shirt. Niyakap agad ito ni Dale, dama pa niya ang malakas na kabog ng sariling dibdib. Ang puso n
