Sa isiping iyon ay pasimpleng lumayo si Vivian kay Stephen. Pagkatapos ay sumisid sa malayo. Iyong tipong hindi na siya malalapitan nito. At para hindi na talaga siya malapitan ni Stephen ay walang paalam na tuluyang umahon na sa tubig si Vivian at tumungo sa dalampasigan. Sumalampak siya roon at nagsimulang tumulo ang kaniyang mga luha.
Akala niya ay tuluyan na siyang nakalimot sa ginawa sa kaniya nina Clinton at Jessica. Pero hindi pa pala. Dahil hanggang ngayon ay hindi pa rin nawawala ang takot niya sa mga lalaki kahit ilang beses na niyang sinubukan na makipag-date sa iba.
Yakap-yakap ang kaniyang mga tuhod na wala pa ring tigil sa pagdaloy ang mga luha ni Vivian. Umiiyak siya dahil sa sobrang inis at frustration sa sarili. Sa mga nangyari, dapat ay matagal nang natigang ang mga l
