Natawa si Vivian. Lalo na nang pumalatak si Ice. "Siguro dahil nakikita ko ngayon sa hitsura mo na mas bagay mo ang maging CEO."
"Sinasabi mo bang dugyot ako noon--" Naputol ang pagsasalita ni Ice nang bigla na lang niya itong hinalikan sa mga labi. Smack lang naman iyon kaya hindi niya alam kung bakit natulala si Ice.
Tatawa-tawa naman na mas mabilis pa sa alas kuwarto na tinungo ni Vivian ang elevator. At nang pumasok din doon si Ice at makitang solo nila iyon, bigla na lang siya nitong itinulak pasandal sa pader at itinukod sa magkabilang side niya ang mga kamay nito para i-corner siya.
"Don't do that again, princess," mariing wika nito sa tonong nagbabanta. Matiim na naglalakbay sa kaniyang mukha ang itim na itim nitong mga mata.
"Ang alin?" pagmamaang-maangan ni Vivian. Naaaliw
