SAVANNA'S POV
LUNCH TIME. Naramdaman ko ang hapdi ng tyan ko at ilang sandali pa'y tumunog ito. Gutom na ako.
Lumapit sa akin si Ricca.
"Ate Savanna, ikaw na muna ang mauna kumain. Busog pa kasi ako sa tinapay kanina."
Bumili kasi ng tinapay si Lyla pero hindi ako kumain.
"Sigurado ka?" tanong ko.
"Opo."
Palagi ko kasing pinapaunang kumain si Ricca. Nakakahiya kasi, ako ang matanda sa aming dalawa tapos ako ang mauuna.
"Sige. Ikaw na munang bahala dyan. Pakisabi na lang kay Lyla na nasa pantry na ako."
Wala kami masyadong customer, di katulad noon. May nagtayo kasi ng bagong coffee shop sa tapat namin. Kaya ayo'n, nahati ang customer, kung minsan nga do'n sa katapat namin majority pumunta ang iba. Biglang bumaba ang sales namin kaya kailangan namin gumawa ng paraan para tumaas i
