LYLA’S POV
PINILIG ko ang ulo ko nang mapansin kong kanina pa pala ako nakatunganga kay Benedict. Ang guwapo niya sa suot na white t-shirt at saka sa maong na pants na animo’y model na rarampa na sa runway. Kahit anong daming ang suotin siguro nito ay babagay sa kaniya.
“Uhm, may o-order-in ka ba?” tanong ko sa kaniya.
“Yes! Kaya nga ako nandito para mag-order. Dalawang americano.”
“Para kay sa girlfriend mo ba ang isa?” biglang tanong ko sa kaniya na maski ako ay nagulat sa sinabi ko.
Marahan siyang tumawa. Juskolord! Matutunaw ata ako sa kaguwapuhan niya lalo na kapag nakangiti siya.
“Wala akong girlfriend.”
“Eh. . . kanino ‘yong isa?”
“Para kay Aldrich ang isa.”
Patango-tango lang ako habang tina-type ko sa computer ang order niya. Pagkalabas ng order slip ay agad kong kinuha a
