"What?" kunot-noong tanong niya rito habang nanatili pa rin sila sa ganoong posisyon.
"Marry me. And give me a child." Lalong lumalim ang kunot sa noo niya nang ulitin nito ang sinabi kanina. Nakatingin pa rin ito sa mga mata niya. Walang salitang lumabas sa bibig niya.
"Bayad ka na sa mga kasalanan mo once na magpakasal ka sa akin at mabigyan mo ako ng anak," patuloy nito. At basta na lang siya nito binitiwan. Muntik pa siyang matumba sa marahas na pagbitiw nito sa kanya. Buti na lang at nakahawak siya sa pintuan.
Lumakad ito pabalik sa mesa at naupo sa ibabaw ng mesa. Sinulyapan siya nito na hindi pa rin maka-recover sa mga sinabi nito sa kanya.
"Alam mo naman siguro na ikakasal na dapat kami ni Ashley, hindi ba?" tanong nito sa pormal na tinig. "Isang linggo na lang mula ngayon, ika
