Ang hindi alam ng tatlo ay kanina pa gising si Jeff. Lihim itong napapangiti sa reaksyon ng tatlong pinsan. Hanggang hindi na rin nakatiis.
"Hoy, ba't niyo ako iniiyakan? Buhay pa ako!" nakangising wika ni Jeff, dahan-dahan itong umupo, sinunggaban siya agad ng yakap nang dalawang dalaga kaya muntik uli siyang mapahiga.
Apiran naman sila ni Jules. Saglit na nakalimutan nila ang nangyayari. Masaya sila dahil kahit ngayon lang ay buo sila na nakaligtas sa kanilang bangungot.
"Puntahan niyo daw si ina sa kanyang kwarto may mahalaga siyang sasabihin sa inyo" pukaw pansin ni Aling Marina sa magpipinsan.
Natauhan ulit ang magpipinsan. Muling bumalik sa lahat ang agam-agam ng kamatayan.
Kinakabahan ang apat na tinungo ang kwarto ng matanda. Kasunod si Aling Marina.
Nadaanan ng apat ang sala
