"Jeff, saan ka pupunta?" sita ni Lyn sa biglang tayong pinsan sa kanyang tabi.
"Cr!" maikling sagot ng binata. Agad tinungo nito ang likuran ng bahay kung nasaan ang palikuran.
Ang hindi niya inasahan naroon si Aling Marina sa madilim na parte ng likod ng bahay. Nakatayo ito at humihikbi.
"Bakit ka umiiyak Aling Marina?" hindi naiwasang usisa ni Jeff.
"Ah wala, w-wala to! Sige na!" pa-iwas na sagot ng ali.
"Dahil ba 'to sa ikwinento ni Leah? Nakita ko kayo kanina sa may pintuan. May alam ba kayo sa panaginip ni Leah?" diretsahang tanong ni Jeff, bahagyang hinawakan nito ang braso ni Aling Marina nang akmang aalis na sana.
Malamlam ang mga matang tumitig si Aling Marina kay Jeff. Pagkuwa'y marahang tumango "Nagulat lang ako sa kwento ni Leah, iho. Ang totoo matagal ko nang hinahanap a
