Chapter Ninety-eigth
Isang linggo rin ang hinintay ko bago ako nagpasya na harapin ang magulang ko. Si Carrie ang sumundo sa akin at ngayon ay narito na kami sa harap ng bahay ng mga Del Pietto. Pansin ko ang mga sasakyan na nakaparada sa labas. Ibig sabihin ay hindi lang kami ang dadalo sa dinner na ito ng family. Mukhang buong pamilya at hindi ko iyon inasahan. Nang lumakad kami papasok ay panay ang bilin ni Carrie sa akin.
"Kung may mga below the belt man na masabi ang parents natin or other relatives ay palampasin mo na lang. Magpakumbaba ka sa kanila, Garrie."
"Okay," tugon ko rito. Sa bungad pa lang ng mansion ay pansin ko na ang mga pinsan namin. May mga hindi familiar na mukha na katabi ang mga ito. Partner? Girlfriend? Ang dami ko ng hindi alam sa pamilyang ito. Halata ang gula
