HININTAY ni Maya si Yoshin na makabalik ng kusina. Naghain na siya ng pagkain sa lamesa at hindi ito ginalaw hanggat wala ang binata. Pumasok pa kasi ito sa kuwarto at may ginawa sa laptop. Inip na inip na siya habang nakaupo at nakatitig sa pagkain.
“Teka, bakit ko ba hinihintay ang mokong na ‘yon?” maktol niya nang mairita. Hindi siya nakatiis at nagsalin ng pagkain sa kan’yang plato. “Bahala siya sa buhay niya! Kakain lang ‘yon pag nagutom.”
Kung kailan susubo na siya ng pagkain ay saka dumating si Yoshin. Naghugas na ito ng mga kamay sa lababo.
“I will leave tonight to go to Italy, but I will return next week,” sabi nito.
“Eh, ‘di mabuti,” aniya. Itinuloy na niya ang pagsubo ng pagkain.
“Marlon and Chase will focus on monitoring you, Maya. Don’t be silly, lady.” Umupo na ito sa ka
