DALAWANG oras lang ang inilaan ni Maya sa paglalaba ng mga damit nina Vladimir at Annie dahil may machine naman. Para masulit ang bayad ni Vladimir, naglinis na rin siya ng bahay. Nasa ospital si Annie kaya walang tao sa bahay pero may guwardiya sa gate. Nagluto naman siya ng tanghalian sa bahay ni Vladimir dahil naroon ang mga lalaki.
Ginupo siya ng lungkot nang maisip si Wallace. Hindi kumpleto ang BHO member. Apat na lang ang mga ito na nagpupulong. Habang abala sa kusina ay nakiusyoso siya sa meeting ng mga lalaki. May English namang halo ang usapan kaya naintindihan niya ang iba. May pinaplanong raid operation ang mga ito at nabanggit ang black mamba mafia boss na target ng mga ito.
Pansin niya na tuluy-tuloy na ang pakikiisa ni Yoshin sa pagresolba ng problema ng ibang kasama nito
