NAKAIDLIP si Maya sa lamesa ng cottage at naalimpungatan nang maramdamang nakalutang na siya. Buhat na pala siya ni Yoshin. Pagdating ng guest room ay tumuloy sila sa banyo. Napatili siya nang itapat siya ni Yoshin sa shower.
“Ano ba!” asik niya.
“You should take a bath,” anito. Naligo na rin ito.
Nagsabon na lamang siya ng katawan. “Sandali, ang mga damit ko?” aniya nang maalala ang mga hinubad na damit.
“There.” Itinuro nito ang maliit na planggana. Naroon ang mga hinubad nilang damit.
“Kusutin ko na ang mga ‘yan dahil basa na.”
Nauna na natapos maligo si Yoshin at kaagad lumabas. Nilabhan pa niya ang mga damit nilang basa mabuti merong detergent powder doon. Nawala na ang kan’yang antok pero lalo niyang naramdaman ang pagod. Ginutom tuloy siya.
Nagbihis muna siya saka lumabas ng
