NAKIKAIN pa si Maya sa bahay ni Wallace kahit kumain na siya sa apartment. Mabilis ang metabolism niya at kahit anong kain niya’y hirap siyang mabusog minsan. Mabilis din kasi siyang kumain.
“Sa ‘yo na ‘to, Maya, ayaw ni Angel,” ani Wallace. Inabutan siya nito ng naka-bowl na noodle soup.
Tinanggap niya ang noddle soup na binigay ni Wallace at pinapak. “Masarap ‘to, ah. Medyo maanghang,” aniya.
“Binili ko ‘yan sa labas kaso spicy pala at ayaw ni Angel ng beef flavor.”
“Salamat dito!” aniya.
Nauna na natapos kumain si Yoshin at tumambay sa lobby. Pansin niya na wala na roon si Alejandro.
“Nasaan pala si Ale?” usisa niya.
“Nasa condo ko kasama si Chase,” ani Wallace.
“Wala ba silang mga bahay?”
“Wala pa pero si Chase ay nagbabalak bumili ng bahay. Si Vladimir naman ay may nabili na
