MARTES ng tanghali at nagtungo si Maya sa bahay ng kan’yang amo sa Makati executive village. Kumain na siya bago nagtungo roon lulan ng kan’yang big bike. Wala si Donovan sa bahay ayon sa katulong. Pinatuloy siya ng ale sa malawak na bakuran. Ilang minuto pa sila naglakad bago nakarating sa dalawang palapag na bahay na malaki.
Manghang-mangha siya pagpasok ng lobby na tila nasa isang hotel sa lawak. Tumuloy sila sa isang silid kung nasaan ang asawa ni Donovan. Habang palapit sila sa glass door ay lumilinaw sa pandinig niya ang tunog ng piano.
“Sino ang tumutugtog?” tanong niya sa kawaksi.
“Si Ma’am Luciana po,” sabi ng babae.
“Wow! Marunong siya?”
“Oo. Iyan ang libangan niya rito, tutugtog ng piano.”
Pumasok na sila sa isang silid na parang recreation facility. Merong musical instrum
