NATARANTA si Maya nang makita niya si Yoshin na may hawak na latigo. Hinuli nito si Cocoro at biglang hinataw ng latigo sa likod. Umatungal ng iyak ang aso pero hindi tumakbo, sa halip ay napadapa sa sahig. Ginupo naman siya ng awa nang mapansing walang habas sa pananakit sa aso si Yoshin.
Nabitawan niya ang hawak na mop at brief saka tumakbo patungo kay Yoshin. “Stop!” pigil niya.
Ngunit nabingi na si Yoshin. Ayaw nitong lubayan ng hataw ng latigo si Cocoro kahit nakahiga na sa sahig at sigaw nang sigaw. Hindi niya malapitan si Yoshin kaya naglakas-loob siyang lapitan si Cocoro. Napadaing siya nang sa likod niya tumama ang latigo, mabuti daplis lang.
Napaluhod siya sa harapan ni Cocoro at niyakap niya ang kawawang aso. “Please, stop!” naluluhang sigaw niya.
Nang tumigil si Yoshin ay m
