LUMABAS ako ng kwarto ng basa pa ang buhok ko dahil bagong ligo. Naabutan ko si Daddy na nasa dining table kausap si Philip na mukhang papasok na sa kapitolyo dahil bihis na bihis ito.
Napatayo silang dalawa ng makita ako.
"Hija..." bungad ni Daddy. Mukhang kauuwi lang niya dahil bakas pa ang pagod sa kanyang mukha at pinili na dumaan dito para makausap ako.
Lumapit ako at humalik sa kanyang pisngi. Ngumuso ako at napakurap-kurap ng niyakap niya ako ng mahigpit.
"I'm so sorry that I made you pressured. Pasensya na din at ngayon lang kita napuntahan," sabi ni Daddy.
Nilunok ko ang bara sa aking lalamunan. Nakokonsensya tuloy ako lalo dahil sa pagiging mapagkumbaba ni Daddy. Pakiramdam ko ang arte-arte ko at umalis pa talaga ako sa mansion.
"Okay lang po," wala na kong ibang masabi. Hi
