DUMAAN ako sa strawberry farm. Binaybay ko 'yon hanggang sa nakarating ako sa manggahan tapos naglakad pa ng kaunti at lumabas na ako sa kalsada. Pinatay ko ang flash light at inilagay na sa backpack.
Naglakad pa ako hanggang sa makarating sa wet market. Sarado na ang mga tindahan pero may ilang tao pa naman na naglalakad at may ilang nakatambay. Hindi naman ako bobo pagdating sa commute. Marunong din naman ako magtanong kaya nakasakay ako at nakarating ng Tondo. 'Yon nga lang madaling araw na. Paano kasi palaging nasasakyan ko nag-aantay pa ng pasahero. Punuan kumbaga.
"Tangina naman nito kasi! Madaling-araw na susugod sugod ka para ka namang may tinakasan na asawa nito. Tapos nag-away kayo kaya andito ka ngayon!" panay ang kuskos ni Denise sa buhok niya ng salubungin ako sa harap ng ga
