Nang dumating ako sa waiting area ng domestic arrival, maraming tao ang matiyagang naghintay ng kanilang mga mahal sa buhay. Sari-saring emosyon ang aking nasaksihan, may mga umiiyak nang dumating ang kanilang asawa mula sa ibang bansa, mayroon ding natutuwa, at may mga nag-aalala.
Ngunit ang pinakanakakaagaw pansin sa lahat ay ang biglang pagtili ng isang bakla sa aking tabi at palundag-lundag nitong sinalubong ang isang foreigner na ubod ng gwapo at kakisigan.
Mabuti pa siya at may love life, naisip ko habang naiingit sa aking nasaksihan.
"Naiinggit ka ba?"
Sandali akong natigilan dahil kilala ko ang boses niya at ang paraan nito sa pagsasalita ng wikang Pilipino dahil may katigasan ang accent nito. Natutunan ng lalaki ang ating wika noong nag-aaral ito sa kolehiyo, iyon nga lang,
