May magagawa pa ba ako gayung may masakit sa katawan ni Samer? Nagalit man ako kanina pero nawala na kaagad ‘yon. Ayokong makita siya na naghihirap at ang pisteng si Omar ay hindi ko man lang makontak upang kahit papaano ay pwede ko siyang murahin sa telepono. Siguro ay inasahan na nito ang magiging reaksyon ko kasi simula kanina ay nakapatay na ang cellphone ng lalaki.
“Alam kong galit ka pa rin sa akin, kaya dito na lang ako matutulog.” Sabi ni Samer sa akin na parang nagpapa-awa.
Syempre, natural na sa akin ang pagiging maawain kaya naawa ako sa kanya. Kawawa din naman kasi kung sa sofa siya sa matutulog. Wala na kasi akong available na guestroom sa ibaba dahil inokopa na lahat ng mga aso ko. Hmmm may isang bed sa basement malapit sa wine cellar ngunit
