Para akong tanga na nakatitig lang sa kawalan. Isa-isa kong binalikan ang mga pangyaryari simula nang bumalik si Samer sa Pilipinas. Posible kayang pinaasa lang niya ako? Pero noong mga panahon na ‘yon ay hindi ko naman naramdaman na pinaasa lang niya ako. Ipinikit ko ang aking mga mata habang nagbalik-tanaw sa panahon na masaya pa ako kapiling siya.
Mahal na mahal ko siya at handa akong gagawin ang lahat upang mapasaakin siya, at magagawa ko lang ng maayos ang aking misyon kapag malaman ko kung may mali ba dati. Huminga ako ng malalim habang nakahiga sa kama at sinubukang balikan ang lahat. Sa tingin ko kasi ay nasa nakaraan lang ang tanging sagot sa aking mga katanungan.
*****
Sari-saring emosyon ang aking nasaksihan, may mga umiiyak nang dumating ang kanilang asawa m
