Awtomatikong naningkit ang mga mata ko nang malutong na tumawa si Trip. Hindi ko alam kung anong trip ng gagong ito! Kanina pa tingin nang tingin tapos bigla na lang tatawa.
"Mabulunan ka sanang gago ka." Mariin kong sabi. Kulang na lang ay bumulagta si Trip sa sobrang talim ng pagtitig ko sa kaniya.
Kakaunti na lang ang tao sa KFC. Isang pamilya na naisipa yatang kumain sa labas, magbabarkada sa 'di kalayuan at kami ni Trip. Maraming bakanteng upuan, pero ang pinili ni Trip ay ang may mahabang table. Akala mo'y may inaasahang meeting o 'di kaya ay may reunion na magaganap.
Akala ko nga'y nagbibiro ito kanina, pero hindi. Tinotoo nga ang sinabi, halos lahat binili niya kaya punong-puno ang table namin. May ilan pa nga sana siyang bibilhin kaya lang ay inawat ko na. Pinagtitinginan na
