NAKALAYO ng T.A.B. Laboratory si Sky Jewel na hindi man nalaman ni Reese dahil sa kabilang side ng parking lot siya dumaan. Mula sa airport ay nag-taxi lang naman siya papunta rito kanina kaya wala siyang iintindihin na sasakyan. Napatingin siya sa suot na wristwatch habang malalaki ang mga hakbang na naglalakad siya. Halos kalahating araw na siyang nawawala sa mansiyon. Siguradong hindi na niya mauunahan si Aquilles sa pag-uwi. Gagabihin na siya. Kailangan na niyang mag-isip ng dahilan kung saan siya pumunta.
Pinunasan niya ang namamasang mga mata pagkatapos alisin sandali ang suot na sunglasses. Sinikap niya na huwag lingunin ang pinanggalingan na lugar. Hanggang ngayon ay naninikip pa rin ang dibdib niya sa tuwing bumabalik sa isip niya ang masayang mukha ng kaniyang asawa habang ibang
