YANNA
INALIS ko sa aking isipan ang tungkol sa babaeng nakita ko kanina sa labas. Kahit sobrang pamilyar sa akin ang tindig niya, imposible pa rin ang iniisip ko.
Imposible talaga!
Kaya nga iwinaksi ko na ang ano mang pagdududang naglalaro sa aking isipan at mas mabuting mag-isip na lang kung paano ba talaga ako makakatakas sa islang ito. Kapag ganitong kumakain ako at walang gapos ang mga kamay ko ang pinakamagandang pagkakataon para tumakas.
At kailangan ko na iyong magawa sa lalong madaling panahon. Dahil paano kung wala na silang kailangan sa akin? Paano kung hindi nila nakuha kay Uncle Jaxx ang gusto nila? Dahil kung ano man iyon, I'm sure na sobrang importante niyon sa asawa ko para ipagpalit lang niya sa buhay ko.
Kapag nagkataon, sigurado rin ako na totodasin na ako ng mga
