“ALINA?” muling tawag ni Elias.
“I’m here!” tugon niya at sinalubong na ang binata.
“Pakibantay muna ang iniihaw ko sa labas. Pupuntahan ko lang si Daddy sa law office. Saglit lang ako,” anito.
“Sige.”
“Don’t overcook the meat, huh? Kapag naging brown na ang karne at clear na ang tumutulong katas, puwede mo na hanguin.”
Tumango siya at napasunod ng tingin kay Elias na nagmamadaling umalis. Bumalik siya sa outdoor kitchen at binantayan ang roast beef spareribs. May blower naman ang ihawan at umiikot ang karne na tinuhog sa stainless na konektado sa machine. Pinapahiran lang niya ito ng sarsa habang umiikot.
Halos isang oras din bago naluto ang roast beef. Wala pa si Elias kaya gumala muna siya sa ibang pasilidad ng bahay. Amaze pa rin siya sa interior design ng bahay. Hindi niya akala
