HINDI nagpatinag si Alina sa pagsusungit ni Elias dahil ayaw nitong magtagal sila roon sa bahay ng parents niya.
“Mauna ka na lang umuwi. Magpapahatid ako sa driver ni Mommy,” sabi niya. Nasa lobby na sila at katatapos lang kumain.
“Ano pa ba ang gagawin mo rito?” kunot-noong tanong nito.
“My family is here. Marami akong puwedeng gawin dito. Gusto kong makausap ang kapatid ko.”
“Fine! You can talk to your sister but I give you twenty minutes. I will wait here,” anito. Talagang umupo ito sa couch at dumukot ng magazine sa ilalim ng center table. Nagdikuwatro pa ito. “Go ahead. Your time start now,” sabi pa nito.
Padabog siyang pumanhik sa hagdanan. Pinuntahan niya sa kuwarto nito si Ara. Nakahiga na ito sa kama.
“Let’s talk,” aniya.
“Aaminin mo ba sa akin na in love ka na kay Elias?
