NASA third floor ang kuwarto ni Vladimir at namangha si Annie sa laki nito, katumbas na ng buong second floor ng bahay niya. May hagdan naman pero ginamit nila ang elevator dahil masydong matataas ang agwat ng bawat floor, unlike sa modern house na mababa lang. Matataas kasi ang kisame.
“Grabe, ito rin ba ang kuwarto mo noong bata ka, Vlad?” tanong niya sa binata.
Naghuhubad na ng damit si Vladimir.
“Hindi. Nasa second floor lang ‘yon. Pero ito ang pinakaunang kuwarto ko noong narito pa si Daddy. Siguro mga five years old ako. Inilipat ako sa second floor kasi ilang beses akong kamuntik maipit ng elevator.”
“Sa fourth floor ay may kuwarto rin?”
“Naroon ang kuwarto ni Lolo, opisina niya, ibang pasilidad. Bale isang bedroom lang ang narooon. Sa tuktok naman ang penhouse at may swimming
