NAGNINGNING ang mga mata ni Annie nang makita ang maraming puno ng peras sa hardin, meron ding isang puno ng mansanas at maraming bunga kaso maliliit pa. Pero ang gusto talaga niyang malapitan ay ang puno ng orange na malalaki ang bunga. Puwede na mapitas ang mga ito.
“Tanim pa ng lolo ko ang mga puno ng prutas na ‘yan,” sabi ni Vladimir.
“Can we get one?” palaam niya.
Medyo mataas na ang puno ng orange pero may naabot pang isang bunga si Vladimir. Ibinigay nito sa kaniya ang bunga at kaniya namang inamoy. Ang bango nito.
“Mamaya mo na kainin ‘yan after breakfast. Kukuha muna tayo ng maraming pears, masarap sa almusal.”
Lumapit sila sa isang puno ng pears na maraming bunga kaso mataas. Nagulat siya nang umakyat sa puno si Vladimir, ang bilis.
“Hoy! Para kang unggoy!” aniya.
“May ung
