AFTER lunch na ang biyahe nila pauwi ng Maynila. Napuno ng halaman ang likuran ng kotse kaya kasabay na nila si Alejandro at mga aso nito na bumiyahe. Ito ang nagmaneho sa kotse ni Vladimir. May dinaanan pa silang nagtitinda ng mga kakanin at prutas at natukso ang binata na bumili.
Nakasunod lang sa kanila si Alejandro at talagang hindi sila iniwan. Bumili rin ito ng maraming hinog na mangga.
Nang bumibiyahe na silang muli ay natukso si Annie na buksan ang kaniyang cellphone. Kailangan niya ulit mag-install ng application pero pinagbawalan siya ni Vladimir na mag-install ng mga social media app.
“You need a new device to open your social media and use another account,” sabi nito.
“Pero na-reformat na ni Ale ang phone ko.”
“Kahit na. Same sim card pa rin ang gamit mo. Once may tumawag
