NAPAWI ang kaba ni Annie nang malaman na mga tauhan din ni Vladimir ang kalalakihang dumating. Pati si Ingrid ay inatake ng nerbiyos dahil sa pag-panic niya. Mabuti naroon si Dwayne at pinakalma sila.
“Huwag kayong matakot. Hindi basta makasugod ang kalaban dito. Nakahanda ang guwardiya. May backup sila,” sabi ni Dwayne. Kalmado lang ito at nakipaglaro sa mga bata.
“Mag-report na rin kaya tayo sa pulis,” aniya.
“No need. Masyadong obvious ang pag-alarma natin kung may mga pulis. Ang mga guwardiya naman ay na-train at karamihan sa kanila ay ex-army.”
Napanatag din si Annie. Nang maluto ang mga pagkain ay naghain na sila ni Ingrid sa hapag. Sabay na silang lahat kumain. Kahit papano ay nalibang siya sa mga bata at nakalimutan ang takot. Panay naman ang text ni Vladimir at kinukumusta siy
