NAUBOS ni Annie ang pagkain at tinangka niyang buksan ang pinto pero naka-lock sa labas. Nakulangan siya sa tubig na inumin. Isang oras na ang nakalipas magmula nang umalis si Lucy at hindi pa bumabalik. Lumapit siya sa bintana at sumilip. Maliwanag sa labas dahil sa mga ilaw at natanto niya na nasa second floor siya. Natatanaw mula roon ang malawak na hardin ay Olympic swimming pool.
Ilang sandali pa ang lumipas ay bumalik si Lucy, may dalang isang baso ng orange juice at dalawang hinog na saging.
“Pasensiya na, natagalan ako,” sabi ng ginang. Inilapag nito sa lamesa ang dala.
“Okay lang po. Hihingi sana ako ng tubig,” sabi niya.
“Ay, teka. Ikukuha kita ng stock ng mineral water.” Muli ring lumabas ang ginang.
Lumuklok siya sa tapat ng lamesa at pinakatitigan ang juice. Naisip niya s
