TANGHALI na pero hindi pa bumabalik si Vladimir sa rest house. Nagluluto na ng tanghalian si Annie at katuwang si Alejandro. Nagdala ito ng sariwang isda para sa steak.
“Ano ba ang ginagawa ni Vladimir sa auction?” tanong niya sa binata.
Hinihiwa na nito ang laman ng malaking isda na nasa lamesa.
“May inaasikaso siya sa opisina,” tugon nito.
“Sabi niya bibili siya ng bunga ng sampalok para sa sinigang na baka. Alas-onse pasado na.”
“Darating din siya. Ipaalala mo na lang ang sampalok.”
“Sige.” Kinuha naman niya ang kaniyang cellphone na nasa lamesa at nagtipa ng mensahe para kay Vladimir.
Mayamaya ay tumawag ito. “Sorry, I forgot. Lalabas na ako para bibili ng sampalok. Iluto mo na ang karne ng baka. Ayos lang naman kung mahuli ang sampalok, ‘di ba?” anito.
“Oo. Bili ka rin ng gabe
