PANATAG na si Annie dahil hindi na naulit na may mga lalaking nakabuntot sa kanila ni Alejandro. Malapit na siyang matapos sa kaniyang specialization kaya luluwag na rin ang kaniyang schedule.
Ilang buwan din siyang halos walang pahinga. Ni hindi niya nabisita si Ingrid nang manganak. Ilang dinner invitation na rin nito ang hindi niya napagbigyan. Pero nang Linggo ng gabi ay pinagbigyan niya ang imbitasyon ni Ingrid. Nagulat siya pagpasok ng kotse ay hindi si Alejandro ang driver, kundi si Vladimir!
“Vlad?” bulalas niya.
“Bakit gulat na gulat ka?” tanong nito.
“Uh, k-kasi hindi ko ini-expect na dumating ka na pala.”
“Just sit and wear a seat belt.”
Tumalima naman siya. “Nasaan pala si Alejandro?”
“Bakit hinahanap mo? Ayaw mo ba sa akin?”
“Teka, hindi sa gano’n. Medyo nasanay kasi a
