NAKAHINTO na ang yate sa pantalan. Halos dalawang oras na sila sa loob ng banyo bago natapos. Naunang lumabas ng kuwarto si Annie nang makapagbihis. Wala pa sila sa warehouse pero nasa malaking pantalan at maraming malalaking track na ibinababa mula sa cargo ship.
“Wow! Ito ba ang auction mo, Vlad?” manghang untag niya nang makitang lumabas ng kuwarto si Vladimir.
“Yes. May dumating na bagong stock na mga sasakyan,” anito.
“Sino ang nag-aasikaso ng mga ‘yan?” usisa niya.
“Ang staff ko. Marami sila ang nagma-manage ng auction at mga professional.” Nilapitan na siya nito.
“Puwede ba tayo bumaba?”
“Sure. Para makita mo rin ang office.”
Sumama na siya rito pababa ng yate. Alas-tres pa lang naman ng hapon at hindi pa sila gutom. Excited ang dalaga na makita ang malawak na auction ni Vlad
