BAGO umuwi ay namalengke pa si Vladimir kasama si Alejandro. Mahaba-haba ang listahang binigay ni Annie para sa bibilhin niya. Hindi niya maintindihan ang ibang naisulat nito at pareho sila ni Alejandro na napapaisip. Natagalan sila sa pag-intindi ng sulat ni Annie. Hindi rin kasi siya pamilyar sa ibang item, ganoon din si Alejandro.
“What the hell is this?” kunot-noong tanong niya. Titig na titig siya sa listahan ng bibilhin. “Alam mo ba ‘to, Al?”
Nasa loob na sila ng malaking grocery store at inabot na ng ilang minuti kakaikot pero konti pa lang ang nakuhang item.
“Don’t ask me,” ani Alejadro. Isa rin itong walang tiyaga sa pamamalengke. Nakabuntot lang ito sa kaniya at tulak ang cart. Nakakuha na ito ng in-can na dog food.
“Why is the doctor’s penmanship hard to read?” angal niya. N
