NAGUSTUHAN ni Annie ang bulaklak na dala ni Vladimir. Pero nang malaman kung saan nito kinuha ang halaman ay nasinghalan niya ang binata.
“Ninakaw mo ito?” gilalas niyang untag. Nailapag niya bigla sa lupa ang halaman at hinarap si Vladimir na nakapamaywang.
“Hey! Nakaw ba ‘yon? Nadaanan ko lang sa labas ng school ang halaman, nakahiga na sa lupa at inapak-apakan ng mga aso,” anito.
“Pag-aari ng school ang halaman, kahit napabayaan ‘yan sa labas, once kinuha mo na walang paalam, nakaw pa rin.”
“Ah, enough. Narito na ‘yan. Sa Bataan ko nakuha ‘yan at wala namang nagalit na taong nakakita.”
“Kahit na, Vlad.”
“Matatawag na nakaw ‘yan kung walang nakakita. Nagpalam naman ako sa taong nakakita. So, aware siya na hindi ko basta kinuha ang halaman.” Nangatwiran pa ito.
“Hay! Tama na nga! P
