DAHIL sa karagdagang impormasyong nalakap mula kay Annie, pumunta si Vladimir sa bahay ni Wallace upang mapag-usapan ang natuklasan. Pinatawag din siya nito dahil problemado sa asawa. Pagdating naman sa bahay ni Wallace ay dumiretso siya sa hardin.
“You mean, ginagamit lang si Rojillo ng stepson niya para sa mga plano niya?” tanong ni Wallace.
Binanggit niya rito ang tungkol sa pagkakaugnay ni Rojillo sa pagkamatay ni Harry. “Yes. And I think Rojillo doesn’t have a choice but to follow orders from his stepson.”
“Makapangyarihan nga talaga ang big boss na ‘yon. Kung takot sa kaniya si Rojillo, malamang ay dahil miyembro nga siya ng Cosa El Gamma.”
“That’s possible.” Inisa-isa niya ang greenhouse at naghanap ng cactus.
Bumuntot naman sa kaniya si Wallace. “Teka, ano’ng hinahanap mo, ha?
