Nagtatalo pa rin ang kaniyang isipan kung pupunta ba siya kina Ramon o hindi. Siguradong mag-iinuman na naman ang mga ito.
Pero sa huli ay hayon at muli siyang nagpalit ng suot. Pagbaba niya sa bahay ay nagbilin siya sa mga kawaksi na hindi siya roon maghahapunan. At kung tumawag muli ang ama ni Tami ay ipagbigay alam na wala siya roon.
Nasa Valle Encantado rin ang bahay nina Ramon. Sa labas ng bakuran ng mga ito ay nakita niyang nakagarahe ang tatlong kotse. Sa may likod ng sasakyan ni Ernes niya iginarahe ang kaniyang dalang kotse.
“Ano ba’ng mayroon?” agad niyang tanong nang puntahan niya ang mga kaibigan sa may back porch. Nakabukas pa ang karaoke at feel na feel ni Lex ang pagkanta. Naupo siya sa tabi ni Ramon.
“Wala lang. Na-miss ko kayong lahat,” sagot ni Ramon.
“Tss. Nakaka-to
