Kinahapuann, nakatanggap muli ng isang basket naman na pulang rosas si Tami. At ang ending, panay ang panukso sa kaniya ng kaniyang lolo’t lola.
“Mukhang na-mi-miss ka na ng asawa mo. Uwian mo na, apo,” susog sa kaniya ng kaniyang lolo.
Katulad nang unang bulaklak na natanggap, wala rin iyong card na kasama. Ganoon pa man ay binigyan na naman iyon ng meaning ng kaniyang Lolo Nolito. Bukod sa love, ibig ding sabihin ng red roses ay pangungulila sa taong minamahal. Kaya hayon at sinususog na siyang uwian na ang kaniyang asawa.
“Bukas na po. Maggagabi na,” nakangiti niyang wika rito.
Parehas pang napangiti ang kaniyang lolo’t lola sa kaniyang sinabi.
Tumayo si Lola Amanda, mula sa pagkakaupo sa rocking chair. Nilapitan siya nito at niyakap. Gumanti rin dito ng yakap si Tami “Hayaan mo la
