Nagpakalunod ba sa alak si KG nitong mga nakaraan na wala siya? Napalunok siya. Nasa may garahe lahat ng sasakyan nito. Isa lang ang ibig sabihin niyon, naroon ito sa mansiyon na iyon.
Iniwan muna niya sa may sofa ang dala niyang shoulder bag bago hinanap kung nasaan si KG. Una niyang pinuntahan ang silid nila. Pati roon ay marami ring can ng beer na walang laman. Ngunit wala roon ang pakay niya. Kahit sa adjoining room ay wala rin ito. Wala rin sa third floor. Muli siyang bumalik sa ibaba ng mansiyon. Dumiretso siya sa may kusina. Wala roong tao. Kahit sa may secondary kitchen nila na nagsisilbing dirty kitchen doon ay wala ring tao. Para siyang mababaliw sa pag-iisip kung nasaan ang mga kasambahay nila.
Halos hinihingal na siya nang makarating sa may lanai. Saka lang siya nakahinga nan
