Itinuro ni KG sa kaniya kung saan ang lagayan ng bigas. Pati ang gagamitin niyang rice cooker para sa paglulutuan niya ng bigas. Si KG naman ay inabala ang sarili sa lulutuin nitong scramble egg na siyang request niya.
Matapos magsalang ni Tami ng lulutuing bigas sa rice cooker ay muli niyang binalikan si KG. Mukhang itong chef sa kusinang iyon. Kulang na lang ay magsuot ito ng puting uniporme ng mga chef sa isang restaurant.
“Bakit ganito kalaki ang ipinagawa mong dirty kitchen? Daig mo pa ang may catering na negosyo o kaya ay restaurant na malaki,” hindi napigilang itanong ni Tami.
May munting ngiti na sumilay sa labi ni KG nang balingan siya. “Noong ipinagawa ko ito, naisip ko, kapag nagpa-party tayo rito ay mas mainam ‘yong may malawak tayong kusina para makakilos ng maayos ang mga
