“Ikaw ang nagkalat,” aniya kay Max. “At ako pa talaga ang pagliligpitin mo.”
“Kung ayaw mong magligpit, tumawag ka lang sa bahay at magpapadala ako rito ng maids,” sa halip ay sagot ni Max.
Sa halip na magsalita ay uminom na lang siya ng beer…
“THE END,” pagtatapos ni KG sa kuwento nito kay Tami. “Kinabukasan ay dumating ka. Which is, ngayong araw na ito. Are you mad?” alanganin pa nitong tanong sa kaniya.
Umiling siya. May purpose kung bakit nagawa ng mga ito ang ganoong bagay sa pangunguna mismo ni Max. Lumunok muna siya bago nagawang magsalita. “Isang… isang box lang talaga ng beer ang ininom ninyo?”
Tumango si KG na bahagya pang itinaas ang dalawang kamay. “Promise.”
Tiningnan niya ito sa mga mata nito. “Ikaw rin ba ‘yong nagpapadala ng bulaklak sa akin kahapon?” tanong niy
