“Ano’ng mayroon?” kunot pa ang noo na tanong niya kay Teody nang makababa ito sa pick up. “Don’t tell me, dito niyo pa naisipang mag-party?”
“Relax,” ani Teody. “Ito ‘yong naisip na plano ni Max. And don’t worry, hindi ka sisingilin ni Max sa pagbili ng lahat ng ‘yan. Tulong na niya sa iyo,” nakangisi pa nitong wika.
Napabuga siya ng hangin. Kaaalis lang ng lahat ng kasambahay niya sa bahay na iyon. Maging ang guard sa may gate, mga bodyguards at hardinero ay kasama rin sa pinagbakasyon niya ng limang araw. Bukod sa bakasyon ay may pabaon pa siyang bonus sa mga ito. At isa rin iyon sa suhistiyon ni Teody.
“Bakit ba nagpapaloko ako sa inyong magkapatid? Baka mamaya, kung ano na naman ang i-suggest ninyong dalawa.”
“Magba-back out ka na agad?” nakangisi pang kantiyaw sa kaniya ni Max. “I
