PAGKALAPAG ni Tami sa kape na pinakisuyo ni KG sa kawaksi nila ay bumakas pa ang gulat sa mukha nito nang makita siya.
“Bakit ikaw ang nagdala niyan?” taka pa nitong tanong. “Anyways, thank you, wife.”
“Nakasalubong ko kanina si Adella at dadalhin nga raw niya rito sa study room ang kape mo. So, nagpresenta na ako. Kako, ako na ang magdadala ng kape mo rito.”
“Wife, sorry. I’m kinda busy right now. Hindi pa ako tapos dito sa ginagawa ko—”
“Hubby, go on. Gawin mo lang ang gagawin mo. I’m fine,” aniya na lumapit dito at hinalikan pa ito sa labi. “Don’t mind me,” aniya rito.
Bumuntong-hininga si KG. “Mamaya babawi ako sa iyo,” pangako pa nito sa kaniya.
“Ikaw ang bahala,” aniya na nilayuan na ito para maituloy na nitong muli ang naudlot nitong ginagawa sa harap ng computer nito.
Isang
