“Bad Influence,” aniya na ikinatawa nito.
“Tami, bahala ka kung ano’ng gusto mong isipin. Basta hihintayin kita next week. Puwede ka namang pumunta after lunch. Hindi mo rin naman kailangang magtagal ng sobra.”
Hayon na naman ang pagbilis lalo ng t***k ng kaniyang puso. Ano naman ang gagawin nila next week? Pagdi-date-in si Amara at Jacko? Ngayon pa lang, kakaiba na ang kaba sa dibdib niya. Na-e-excite siya na hindi niya maintindihan.
Naiimposiblehan pa rin nang pagmasdan niya si KG. “Ayaw kong suwayin si papa, KG.”
“Sino ba ang may sabi na susuway ka? Kapag tinanong ka kung saan ka pupunta, sabihin mo, ipapasyal mo si Amara. Totoo naman ‘yon.”
“Nang kainitan?”
Hindi agad ito nakapagsalita. Nang maisip na mainit pa nga masyado matapos ng tanghalian ay tumango-tango ito. “How about, a
