“MA’AM, may tawag po kayo,” magalang na wika ng kawaksi kay Tami, na abala naman sa pagkain ng meryenda nang hapon na iyon, sa may pool area.
Abala naman sa pagsu-swimming sina Geo at Kennedy habang nakabantay ang yaya ng mga ito, mga naliligo rin kasama ng kaniyang dalawang anak. Na bigla ay naibigan ang paliligo sa may kiddie pool nang hapon na iyon.
“Sino raw po?”
“Si Sir KG po, Ma’am.”
“Ah, okay,” aniya na tinanggap na ang telepono. “Thank you,” aniya sa kawaksi bago sinagot ang naturang tawag. “Hi, hubby,” masigla pa niyang bati sa kaniyang asawa. Muli niyang ibinalik ang tingin sa kaniyang mga anak na nagbabarilan gamit ang water gun ng mga ito.
“Hi, wife. Ano’ng ginagawa mo ngayon?”
“Nakaupo, habang kumakain ng meryenda. Kain ka na riyan, hubby.”
“I’m still full, wife. Kain k
