HINDI na nakita pa ni Strawberry ang anino ni Spencer kahit papadilim na. Hindi naman lumabas ng silid ang dalaga dahil nahihiya siya at hindi pa niya alam ang bawat sulok ng Mansion . Maya- maya pa ay may kumatok sa pintuan na ikinagulat ng dalaga. Agad niyang tinungo ang pinto at binuksan niya iyon upang alamin kung sino ang kumakatok. Mukha ng isang katulong ang bumulaga kay Strawberry.
"Baba na raw kayo Senyorita at kakain na po kayo." Sabi ng katulong.
Alanganing ngumiti si Strawberry.
"Ahmmm...sige! Susunod na ako, saka huwag mo na akong tawaging Senyorita kung puwede?" sagot ng dalaga.
"Naku, magagalit si Don Diego Ma'am! Magiging asawa na po kayo ni Senyorito kaya nararapat lamang na tawagin namin kayo ng Senyorita." Tugon ng katulong.
"Sige pero kapag dalawa lang tayo, Strawb
