NAGISING si Alejandro na wala si Assi at Eros sa kaniyang tabi. Sa palagay niya ay nasa baba ito, maaga kasing nagigising si Assi tuwing umaga at maaga ring bumababa sa living room. Naghilamos siya ng palad sa mukha at nag-unat ng mga braso. He looked at the wall clock, it's already six in the morning. Ang totoo ay maaga sana siyang may pasok, ngunit mas nais niyang makasama ang mag-ina ngayon. Ito kasi ang unang araw na magkakasama sila sa bahay. Nagtungo siya sa palikuran at ginawa ang kaniyang morning routine bago bumaba sa sala. Hindi siya nangamba nang hindi makita ang mag-ina roon, bagkus ay dumiretso siya sa dining dahil baka nag-aalmusal na ito. Si Myra ang naabutan niya roon kasama ang dalawang kasambahay na kausap nito.
“Good morning, Sir,” bati ng isa.
Si Myra naman ay ngumi
