HINDI MAPAKALI si Ava sa loob ng kaniyang bahay. Makailang ulit niya nang sinubukang tawagan si Alejandro subalit nakapatay na ang telepono nito. Kinakabahan siyang baka nakulitan na ito sa kaniya at inilagay ang kaniyang numero sa block list. Upang mabawasan ang kaniyang kaba ay naisipan niya na lamang magtungo sa bahay nito upang makausap ang lalaki. Pagkarating ay agad siyang bumaba ng sasakyan at marahang inalog ang gate upang tumunog. “Alejandro... let’s talk.” Hinanap niya ang door bell at pinihit iyon nang paulit-ulit.
Lumabas ang isang kasambahay. Napangiti ito nang makita siya. Isa ito sa pinakamatagal ng kasambahay ni Alejandro at kilala siya nito dahil noon ay tumira siya sa mansion kasama ang lalaki. “Ma'am Ava? Bakit po kayo naparito?” nakangiti nitong tanong malayo pa man.
