NAPAPALUNOK ng sariling laway si Assi habang pinanonood sa cell phone ang nais na ipagawa ni Alejandro. Lumabas ito ng silid at nagpaalam na mayroon lamang gagawin, iniwan nito sa kaniya ang telepono nito kung saan siya kasalukuyang nanonood. Inasahan niya nang ganito ang nais tukuyin ng lalaki, ngunit hindi siya sigurado kung makakaya niya nga bang gawin iyon lalo na at nahihiya pa rin siya sa lalaki kahit na ilang ulit na silang nagsalo sa iisang kama at gabi-gabing magkatabi sa pagtulog. Iniisip niya ngayon kung paano ito gagawin o sisimulan.
“Diyos ko, Lord,” bulalas niya at napa-sign of the cross. Sinimulan niya na ang pagdarasal, dahil tiyak na anumang oras ay papanhik si Alejandro pabalik sa kanilang silid. Nahihiya talaga siya rito, hindi lamang sa pakikipag-talik kundi na rin sa
